O LIBRO CERO

Sen mingua da súa orixinalidade nin do seu sabor intensamente galego (e mesmo intensamente ourensán), O libro cero de Jorge Emilio Bóveda podería ser moi ben a novela que Jorge Luis Borges nunca escribiu (por certo, reparemos na semellanza dos nomes, detalle non baladí cando esta novela trata o tema das sincronías)... A complexa relación entre soño e vixilia (ou entre ficción e realidade), os misterios do fado e o humor son outros temas que nos presenta este libro, que tamén nos ofrece unha viaxe dende a nosa terra ata unha Neverland retranqueira, con escalas en Madrid, Londres e Atenas. Non imos negar que é un libro “raro”, pero non esquezamos que sen rareza non hai beleza. Por iso (e por outras moitas cousas) tamén é un libro fermoso… mesmo cando nos lembra que os personaxes ficticios tamén teñen que ir ao baño de cando en vez.

Francisco J. Fontenla (escritor e profesor de lingua e literatura)

O libro na páxina web da Editorial Galaxia:

https://editorialgalaxia.gal/produto/o-libro-cero/?lang=gal

Crítica literaria de O libro cero na Radio Galega por parte de Armando Requeixo:

http://www.crtvg.es/rg/destacados/diario-cultural-diario-cultural-do-dia-20-04-2021-4967462

Crítica literaria de X. Manuel Eyré no blog Ferradura en Tránsito:

https://ferradura.blog/2021/04/20/critica-de-o-libro-cero-de-jorge-emilio-boveda/

Entrevista no xornal Barrios de Ourense:

https://www.periodicobarrios.com/2021/05/13/os-personaxes-dos-meus-libros-sempre-son-os-mesmos-e-estan-entrelazados-nas-distintas-historias-que-teno-escrito/

Recomendación de Ramón Nicolás

https://www.lavozdegalicia.es/noticia/fugas/2021/07/02/historias-galego-escoller/0003_202107SF2P4991.htm

Crítica de Martinez Bouzas para o Faro de Vigo

Emilio Bóveda, que afirma vivir nunha constante pulsión literaria, coma os escritores de vocación, retorna á escena literaria Pastor Páez cunha manchea de novas aventuras. Mais a novela do escritor ourensán é moitas máis cousas: un libro de viaxes no que o lector poderá percorrer diversas cidades europeas, sen temor a formar a formar parte dos afectados e magoados pola actual pandemia. Pero tamén son abondosos as viaxes interiores coa súa conseguinte evolución, sen deixar de lado a decepción ao se decatar de que a policía non era capaz de que unha persoa moi influente fixera fronte e pagara polas súas actividades á marxe da lei. Pola contra, a súa honorabilidade fará que o degraden no corpo policial. Entón, pretende comezar de cero desde o berce da civilización occidental. O autor, outra vez un profesor que amalgama a docencia coa escrita, comezou na súa xuventude o seu periplo polas letras de noso participando nos certames de “Relatos de Verán” dun xornal galego. Escribiu ademais guións para curtametraxes, e estivo vinculado á prensa con varios periódicos dixitais.

O libro co que arestora nos agasalla relata a historia de Pastor Páez que, debido o xa anotado, sente a necesidade de recomezar a súa vida desde cero. Malia a súa personalidade introvertida dá comezo a unha viaxe por varios países, mentres a súa mente elabora unha nova realidade. Un desenlace que o lector non sospeita ao logo la lectura, trae horribles consecuencias para o protagonista.. A viaxe de Pastor Páez é un periplo na busca de si mesmo do seu lugar na existencia e na realidade, e no que actúa máis coma suxeito pasivo que como actante, pois vai onde o leva a corrente da vida e os acontecementos, entre os que non son cousa menor os soños que influirán dun xeito decisivo no final da novela. Novela, pois, onírica en boa medida , xa que o protagonista camiña cos ollos e coa mente bafexados por esa realidade que semella aparecer nos seus soños.

A arquitectura da novela pode provocar no lectorado unha certa confusión.Como unha esfera “armilar” a define o mesmo autor, con camiños interconectados dentro da literatura, pero non por iso deixa de ser unha historia contada de xeito lineal de percorrido polo mundo. Os capítulos están ordenados en orde descendente ata atinxir o libro cero, se ben os acontecementos están relatados en orde gradual e progresiva ata o desenlace onde a Pastor Páez lle fan saber que non é máis ca un personaxe novelesco, cuxo destino non é outro que o libro cero: non un creador, senón un creado, afectado de narcolepsia cunha porta á verdadeira liberdade.

BÓVEDA, Jorge Emilio, O libro cero, Galaxia, Vigo, 2021, PVP. 15,67 €

O LIBRO CERO

PRESENTACIÓN EN LIBRARÍA EIXO

PRESENTACIÓN NA CASA DOS POETAS DE CELANOVA

PRESENTACIÓN NA ASOCIACIÓN "LOIRO NA MEMORIA"

SINATURAS FEIRA DO LIBRO DE OURENSE 2021