A editorial de Santiago de Compostela Urco Editora, publicou a obra A XANELA ESCURA. TRES ARQUETIPOS DO TERROR NA CINEMA. SANGUE, VIDA, E VIDA TRALA VIDA. Na sua coleccion Alcaian.

"Continuando coa Colección Alcaián, nesta ocasión comprácenos presentarvos o segundo título dos nosos autores galegos. Trátase d'A xanela escura. Tres arquetipos de terror no cinema, un ensaio que percorre tres tópicos fundamentais do cinema de terror: os vampiros, o sangue e os zombis. Desde unha perspectiva moi amena, Jorge Emilio Bóveda permítennos comprender as bases dos tópicos fílmicos dos que tanto gustamos". (A editora).

"Ten nas súas mans o primeiro libro galego sobre cinema de terror.

Pero non tema. Non está escrito por un friki que non ve alén dos seus solitarios praceres, nin por ese crítico que só gusta das películas que tratan da problemática social de Uzbekistán. Non. Está escrito por alguén como vostede, alguén que conxuga o san e incondicional amor polo xénero do fanático, co coñecemento enciclopédico e co rigor do estudoso. Só así se puido acadar esta obra que vostede sostén nestes intres: o mergullamento nos alicerces arquetípicos do terror, un percorrido que mostra como os símbolos fundamentais do xénero mutan e sobreviven a través das décadas, quizais como as propias criaturas"... (Rubén Blanco)